ԱԺ ԳԿՄՍԵՍ հանձնաժողովի նախագահի տեղակալ է ընտրվել Թագուհի Ղազարյանը

Ազգային ժողովի գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահի տեղակալ է ընտրվել «Քաղաքացիական պայմանագիր» խմբակցության պատգամավոր Թագուհի Ղազարյանը: «Արմենպրես»-ին այս մասին հայտնեցին ՀՀ Ազգային ժողովից:

ԱԺ-ից հայտնում են, որ Սիսակ Գաբրիելյանի նախագահությամբ կայացել է ՀՀ ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի անդրանիկ նիստը` օրակարգում ունենալով երեք հարց:

Հանձնաժողովի նախագահ Սիսակ Գաբրիելյանը տեղեկացրել է, որ հանձնաժողովի նախագահի տեղակալի պաշտոնում ընտրվելու համար ՀՀ ԱԺ «Քաղաքացիական պայմանագիր» խմբակցությունն առաջադրում է Թագուհի Ղազարյանի թեկնածությունը:

Քվեարկության արդյունքում Թագուհի Ղազարյանն ընտրվել է:

Այնուհետեւ պատգամավորները քննարկել եւ հաստատել են հանձնաժողովի աշխատակարգը եւ հանձնաժողովի անդամների կողմից քաղաքացիների ընդունելության ժամանակացույցը:

#ներքինկյանք