Քաբուլի օդանավակայանի մոտ պայթյունի արդյունքում կա առնվազն 60 զոհ, 140 վիրավոր

Զույգ պայթյուններն իրականացվել են մի քանի պետությունների հետախուզական գործակալությունների կողմից տարածված այն հաղորդագրություններից մի քանի ժամ անց, որոնց համաձայն, ահաբեկչական որոշ խմբավորումներ հարձակում են ծրագրում ընդդեմ օդանավակայանի, գրում է Ամերիկայի ձայնը:

ԱՄՆ-ի պաշտպանության նախարարությունը հայտարարում է, որ նախնական տվյալներով կա 60 զոհ: Պայթյունն իրականացվել է մահապարտի կողմից, այնտեղ, որտեղ տեղակայված են ամերիկյան ու բրիտանական ուժեր: Ամերիկյան կողմը հայտարարում է, որ կան տուժածներ իր զինվորականների եւ քաղաքացիական անձանց շրջանում, սակայն կոնկրետ թվեր չի ներկայացնում:

#քաղաքականություն