Սա Իրան-Հայաստան միջպետական մայրուղին է․ Բաքուն ավելի վաղ նոտա էր հղել
Հարյուրավոր բեռնատարներ եւ մարդատար ավտոբուսներ արգելափակվել են Հայաստանում և Իրանում, քանի որ Ադրբեջանի զինված ուժերը փակել են Սյունիքի մարզի Գորիս-Կապան ճանապարհի հատվածը, հայտնում են հայկական լրատվամիջոցները:
Խորհրդարանում խոսելով մայրուղու փակման մասին ՝ իշխանությունների և ընդդիմության ներկայացուցիչներն այն «նրբանկատորեն» անվանել են «Գորիս-Կապան» ճանապարհ՝ ըստ ամենայնի չցանկանալով շեշտել, որ սա Իրան-Հայաստան միջպետական մայրուղին է:
Միջազգային մայրուղու փակմանը Հայաստանն արձագանքում է այնպես, կարծես խոսքը միջհամայնքային ճանապարհի մասին է, և միջադեպը պետք է կարգավորեն ռուս սահմանապահները: Բայց միջպետական ճանապարհն ուժով փակելը ոչ թե «եռակողմ» հարաբերությունների հարց է, այլ վերազգային կառույցների ՝ ՄԱԿ-ի, ԵԱՀԿ-ի, դա Իրանի և Հայաստանի հարաբերությունների հարցն է:
Բաքուն երկար ժամանակ տեղեկատվական հող է նախապատրաստում՝ Իրանի և Հայաստանի միջև կապը խափանելու համար: Օգոստոսի 11-ին Բաքուն բողոքի նոտա է հղել Իրանի դեսպանին՝ կապված այն բանի հետ, որ իրանական բեռնատարները Լեռնային Ղարաբաղ են մտնում «առանց Ադրբեջանի իշխանությունների թույլտվության»: Բաքուն հույս էր հայտնել, որ «Իրանի նոր վարչակազմը գործնական քայլեր կձեռնարկի՝ կանխելու երկու երկրների միջև բարեկամական և գործընկերային հարաբերությունների ոգուն չհամապատասխանող գործողությունները»:
Ինչպե՞ս է վերաբերվում Իրանի նոր վարչակազմը ճանապարհի հարցին: Արդյոք Հայաստանի ԱԳՆ-ն խորհրդակցություններ է անցկացնում Իրանի նոր արտգործնախարարի հետ:
Հայ-իրանական սահմանը և Հայաստանի ինքնիշխան վերահսկողությունը խանգարում է ռուս-թուրքական ծրագրերին: Հայաստանի և Իրանի միջև կապը կտրելու դեպքում Հայաստանը կհայտնվի բացարձակ մեկուսացման մեջ:
There are no comments yet.